Թիվ 10 և թիվ 11 ընտրատարածքներում Արցախի Հանրապետության (ԱՀ) Ազգային ժողովի մեծամասնական ընտրակարգով պատգամավորի 2018թ. սեպտեմբերի 9-ին կայանալիք լրացուցիչ ընտրությունների նախապատրաստման և անցկացման շրջանակներում ԱՀ կենտրոնական ընտրական հանձնաժողովում սկսված է լրագրողների և դիտորդների հավատարմագրման գործընթացը:
Դիտորդների հավատարմագրման վերաբերյալ
Դիտորդական առաքելություն իրականացնելու համար հավատարմագրվել կարող են ԱՀ և օտարերկրյա այն հասարակական կազմակերպությունները, որոնց կանոնադրական խնդիրները ներառում են ժողովրդավարության և մարդու իրավունքների պաշտպանության հարցեր, և որոնք չեն աջակցում թեկնածուներին:
Որպես դիտորդ հավատարմագրվելու համար դիմումին կից ներկայացվում է.
1) կանոնադրության պատճենը` հանրապետությունում գրանցված կազմակերպությունների դեպքում,
2) հրավերի պատճենը` միջազգային կազմակերպությունների դեպքում,
3) դիտորդական առաքելություն իրականացնող անձանց ցուցակը` նաև էլեկտրոնային կրիչով` Microsoft Excel տարբերակով:
Լրագրողների հավատարմագրման վերաբերյալ
Հավատարմագրվելու նպատակով լրատվական գործունեություն իրականացնողը կարող է գրավոր դիմում ներկայացնել կենտրոնական ընտրական հանձնաժողով՝ դիմումում ներառելով հետևյալ տվյալները.
1) լրատվական գործունեություն իրականացնող իրավաբանական անձի լրիվ անվանումը, կազմակերպական-իրավական ձևը, գտնվելու վայրը.
2) հավատարմագրման ներկայացվող լրագրողի, ըստ անձնագրի՝ ազգանունը, անունը, հայրանունը, հասցեն, հեռախոսահամարը, էլեկտրոնային հասցեն:
Հավատարմագրման ենթակա են յուրաքանչյուր լրատվության միջոցը ներկայացնող ոչ ավելի, քան 2 լրագրող և 2 լուսանկարիչ կամ տեսաձայնագրման 2 օպերատոր:
Օտարերկրյա պետության օրենսդրության հիման վրա գործող լրատվական գործունեություն իրականացնողի ներկայացուցիչ լրագրողի հավատարմագրման համար դիմումին կից պետք է ներկայացվի նաև ԱՀ-ում լրագրողի հավատարմագրման` ԱՀ արտաքին գործերի նախարարության կողմից տրված վկայականի պատճենը, իսկ բնօրինակը ներկայացնում է լրագրողը:
Հավատարմագրումն իրականացվում է մեկ տարի ժամկետով, իսկ լրատվական գործունեություն իրականացնողի կողմից դիմումում պակաս ժամկետ նշելու դեպքում` տվյալ ժամկետով:
Հավատարմագրված լրագրողներն իրավունք կունենան լուսաբանելու ԱՀ ընտրական հանձնաժողովների գործունեությունը:
Տեղական դիտորդների հավատարմագրումն իրականացվում է մինչև 2018թ. օգոստոսի 30-ը, իսկ լրագրողների և միջազգային դիտորդների հավատարամագրումը`մինչև սեպտեմբերի 8-ը:
Մանրամասն տեղեկությունների համար կարող եք դիմել ԱՀ կենտրոնական ընտրական հանձնաժողով, հասցեն՝ ք.Ստեփանակերտ, Սասունցի Դավթի, 2, 1-ին հարկ, էլեկտրոնային հասցեն՝ cec.nk.am@gmail.com, հեռախոսները` 94-43-09, 97-12-94:
ԱՀ կենտրոնական ընտրական հանձնաժողով
ԴԻՏՈՐԴՆԵՐ
ՏԵՂԵԿԱՏՎԱԿԱՆ
ԿԵՆՏՐՈՆ