Արցախի Հանրապետության ընտրական գործընթացներին հետևող դիտորդների համար ԱՀ կենտրոնական ընտրական հանձնաժողովի կողմից կազմվել է ձեռնարկ, որը մշակվել է 2020թ. հունվարի 1-ին գործողության մեջ դրված ԱՀ ընտրական օրենսգրքի հիման վրա: Այս ձեռնարկը հնարավորություն կտա ավելի մանրամասնորեն ծանոթանալ ԱՀ-ում դիտորդական գործունեության առանձնահատկություններին, օրենսդրական կանոնակարգումներին, որոնք կիրառելի են նաև սույն թվականի մարտի 31-ին սպասվող համապետական ընտրությունների ժամանակ:
Հիշեցնենք, որ դիտորդական առաքելության նպատակը ընտրական գործընթացների վերաբերյալ տեղեկությունների հավաքումն է և դրանց հիման վրա անկախ եզրակացության կազմումը:
Ձեռնարկում ներկայացված են միջազգային և տեղական դիտորդների իրավունքներն ու պարտականությունները, նրանց գործունեության երաշխիքները, ինչպես նաև քվեարկության նախապատրաստման և անցկացման կարգերը, դիտորդական առաքելություն իրականացնելու ժամկետները:
ԱՀ կենտրոնական ընտրական հանձնաժողովի
մամուլի ծառայություն
ԴԻՏՈՐԴՆԵՐ
ՏԵՂԵԿԱՏՎԱԿԱՆ
ԿԵՆՏՐՈՆ