Վերահաշվարկի արդյունքները թիվ 2 ընտրատարածքում

     Ստեփանակերտի տարածքային ընտրական հանձնաժողովը ս.թ. մայիսի 4-ին դիմումներ է ստացել թիվ 2 ընտրատարածքի պատգամավորի թեկնածուներ Մհեր Աբրահամյանի և Արթուր Ամիյանի վստահված անձանց կողմից` թիվ 2/1-2/10 ընտրական տեղամասերում ԼՂՀ Ազգային ժողովի 2015թ. մայիսի 3-ի հերթական մեծամասնական ընտրակարգով ընտրությունների քվեարկության արդյունքների վերահաշվարկ իրականացնելու մասին:

     ԼՂՀ ընտրական օրենսգրքի 47-րդ հոդվածի հիման վրա, Ստեփանակերտի տարածքային ընտրական հանձնաժողովը, վերոհիշյալ թեկնածուների ու նրանց վստահված անձ-դիմումատուների, ինչպես նաև թիվ 2 ընտրատարածքի պատգամավորի այլ թեկնածուների ներկայությամբ ս.թ. մայիսի 5-ից մինչև մայիսի 7-ը ներառյալ իրականացրել է հիշյալ ընտրական տեղամասերի քվեարկության արդյունքների վերահաշվարկ, որի վերջնական ամփոփ պատկերը հետևյալն է.

     Համաձայն ԼՂՀ ընտրական օրենսգրքի 72-րդ հոդվածի 2-րդ մասի, Ստեփանակերտի տարածքային ընտրական հանձնաժողովը, հիմք ընդունելով ընտրական տեղամասերում քվեարկության արդյունքների արձանագրությունները, վերահաշվարկի արդյունքները, քվեարկության արդյունքների վերաբերյալ ընդունած որոշումները, կազմել է արձանագրություն տարածքում քվեարկության արդյունքների վերաբերյալ:

Համաձայն այդ արձանագրության պատգամավորներ են ընտրվել`

     թիվ 1 ընտրատարածքում` Դավիթ Հայկի Մելքումյանը,

     թիվ 2 ընտրատարածքում` Արսեն Արամայիսի Առստամյանը,

     թիվ 3 ընտրատարածքում` Արզիկ Մարտիրոսի Մխիթարյանը,

     թիվ 4 ընտրատարածքում` Վահրամ  Ռազմիկի Բալայանը:

ԼՂՀ կենտրոնական ընտրական հանձնաժողովի

 մամուլի ծառայություն