Հանդիպում դիտորդների հետ

      Կենտրոնական ընտրական հանձնաժողովի նախագահ Սրբուհի Արզումանյանն այսօր  հանդիպել է  դիտորդական  առաքելությամբ  ԼՂՀ-ում գտնվող Ավստրիայի, Ռումինիայի, Իտալիայի, Իռլանդիայի, Հոլանդիայի, Շվեյցարիայի, Մեծ Բրիտանիայի, Չեխիայի և  Հունաստանի ներկայացուցիչների հետ: Հանդիպման ընթացքում արծարծվել են ԼՂՀ ընտրական օրենդրությանը,  առաջիկա խորհրդարանական ընտրություններին վերաբերվող և դիտորդներին հետաքրքրող երկու տասնյակից  ավելի հարցեր:

     Խմբի հետ Արցախում է գտնվում ՀՅԴ Հայ Դատի Եվրոպայի հանձնախմբի գրասենյակի ղեկավար Գասպար Կարամպետյանը:

     Հանդիպմանը ներկա էին նաև ԿԸՀ անդամներն ու ԼՂՀ արտգործնախարարության պատասխանատուները:

ԼՂՀ կենտրոնական ընտրական հանձնաժողովի

 մամուլի ծառայություն