2014 թվականի դեկտեմբերի 21-ին Լեռնային Ղարաբաղի Հանրապետության Ասկերանի շրջանի Մադաթաշեն և Լեռնային Ղարաբաղի Հանրապետության Քաշաթաղի շրջանի Արախիշ համայնքներում անցկացվել են համայնքի ղեկավարի արտահերթ ընտրություններ:

Լեռնային Ղարաբաղի Հանրապետության Ասկերանի և Քաշաթաղի տարածքային ընտրական հանձնաժողովների համապատասխան ամփոփիչ արձանագրությունների համաձայն` Մադաթաշեն համայնքի ղեկավար է ընտրվել Էդուարդ Հայրապետյանը, իսկ Արախիշ համայնքի ղեկավար՝ Համիկ Մկրտչյանը:

Ընտրություններն անցել են  Լեռնային Ղարաբաղի Հանրապետության ընտրական օրենսգրքի պահանջներին համապատասխան:

Ընտրությունների ընթացքի և արդյունքների վերաբերյալ դիմում-բողոքներ չեն արձանագրվել, վերահաշվարկի պահանջ չի առաջացել: