ԼՂՀ Ազգային ժողովի ս.թ. մայիսին անցկացվելիք հերթական ընտրությունների նախաշեմին վերսկսվել են ընտրական հանձնաժողովների անդամության թեկնածուների համար կենտրոնական ընտրական հանձնաժողովի կողմից կազմակերպվող մասնագիտական դասընթացները, որոնց նպատակն է ապագա հանձնաժողովականներին ծանոթացնել նոր ընտրական օրենսդրությանը, իրենց լիազորություններին ու անելիքներին, կարևորելով թե մասնագիտական բարձր պատրաստվածություն և թե ընտրազանգվածի հետ գրագետ ու հարգալից վարվելակերպ, շփումներ ունենալու անհրաժեշտությունը:
ԿԸՀ նախագահի կողմից հաստատված ժամանակացույցի համաձայն 2015թ. փետրվարի 17-ին դասընթացներ են անցկացվել Մարտունու և Հադրութի շրջաններում:
Մարտունու շրջանի Նորշենի համայնքի ակումբում անցկացված դասընթացին մասնակցում էին նաև հարևան Ավդուռ, Բերդաշեն, Եմիշճան, Մյուրիշեն համայնքներից մասնակցության հայտ ներկայացրած թվով 20 քաղաքացիներ, իսկ Հադրութի շրջանի վարչակազմի նիստերի դահլիճում` թվով 10 համայնք-բնակավայրերից 65 քաղաքացիներ:
Դասախոսությունները վարում էին ԼՂՀ ԿԸՀ նախագահի տեղակալ Ե. Արզումանյանն ու ԿԸՀ քարտուղար Ռ. Նազարյանը: Վերջում հարց ու պատասխանի ձևով պարզաբանվել են ունկնդիրներին հուզող մի շարք հարցեր, անցկացվել է ստուգարք:
Դասընթացները կշարունակվեն ԼՂՀ մյուս շրջաններում:
ԼՂՀ կենտրոնական ընտրական հանձնաժողովի
մամուլի ծառայություն
ԴԻՏՈՐԴՆԵՐ
ՏԵՂԵԿԱՏՎԱԿԱՆ
ԿԵՆՏՐՈՆ